رجعت البيت عشان رخصة العربية.. سمعت جوزي بيضحك في التليفون وبيقول بوظت الفرامل خلاص وبعدها قال نتقابل بقى في عزا أختك ساعتها عرفت إن اللي متخططله مش ليا لوحدي! أنا مكنتش ناوية أرجع البيت أصلاً لولا إني نسيت رخصة العربية شوية ورق مهمين. كنت بقول الكلام ده لنفسي وأنا بركن العربية قدام العمارة في التجمع الساعة كانت حوالي تمانية ونص بالليل. الشنطة كانت متحضرة، وكنت خلاص ناوية أروح عند أختي أميرة في أكتوبر أقعد معاها يومين أساعدها في تجهيز سبوع ابنها.
قلت لجوزي محمود قبل ما أمشي، باس راسي بسرعة وقال طريق السلامة يا حبيبتي خلي بالك من نفسك. بس ابتسامته كانت غريبة سريعة كده ومش مريحة. دخلت الشقة على هدوء كل حاجة زي ما سبتها نور المطبخ شغال، والتلفزيون مطفي، وريحة الكلور لسه مالية المكان. مشيت على أطراف صوابعي مكنتش عايزة مشاكل تاني. علاقتنا بقالها فترة بايظة عصـ,ـبية، كدب، ومكالمات بيرد عليها في البلكونة ويقفل الباب. كنت بضحك على نفسي وأقول ضـ,ـغط شغل وخلاص. وفجأة سمعت ضحكته.
كان في أوضة المكتب بيكلم حد في التليفون بصوت واطي. بس ضحكته كانت غريبة تقيلة، فيها حاجة تخـ,ـوف. حكايات رومانى مكرم وقفت مكاني وسمعته بيقول بقولك إيه متقلقيش، محدش هيشك في حاجة أنا لعبت في الفرامل بنفسي النهارده. جسمي اتجمد. حسيت كأن حد سكب عليا مية ساقعة. قلت يمكن بتهيألي بس ركزت أكتر. ضحك تاني وقال أيوة لسه نازلة حالاً المفروض زمانها على الطريق دلوقتي. وسكت شوية وبعدين قال بصوت مليان خبث استني بقى المفاجأة نتقابل في عزا أختك!
قلبي وقف. أختي؟! أميرة كانت واخدة عربيتي العصر عشان عربيتها بايظة في الميكانيكي. وأنا كنت ماشية بعربية محمود. لما قلت له إني هروح لها، كان فاكر إني راكبة عربيتي أنا يعني هو كان فاكر إن أميرة هي اللي سايقة عربية الفرامل بتاعتها بايظة! رجلي سابت مني. الدنيا لفت بيا. هو كان عايز يخلص مني بس اللي هيمـ,ـوت دلوقتي أختي! ولا يمكن كانت هي المقصودة من الأول؟ مش فاهمة مش مستوعبة بس حاجة واحدة كانت واضحة
أختي في خـ,ـطر دلوقتي. الكاتب_رومانى_مكرم طلعت الموبايل وإيدي بتترعش بعدت عن الأوضة وطلبت رقمها. رنّة اتنين وفجأة سمعت صوت حركة جوا الأوضة وسكوت غريب نزل على المكان كله. محمود وقف. كتمت أنفاسي وإيدي على بوقي عشان مطلعش أي صوت، قلبي كان بيدق لدرجة إني كنت خـ,ـايفة يسمع دقاته من ورا الباب. الموبايل في إيدي كان لسه بيرن، وصوت الرنة تيت.. تيت طالع من السماعة كان حاسه إنه عالي زي جرس إنذار في وسط السكون ده.
